| | | |
För dä Rusemondaach en Kölle | Für den Rosenmontag in Köln |
| |
Janz opjelös kütt dä Schäng noh Hus: | Ganz aufgeregt kommt Johann nach Haus |
Frau do jläuvs et nit, wat ich dir jetz saach: | Frau hör mal, was ich dir jetzt sage |
Weil unsre Chef noch mieh Ömsatz maache well, | weil unser Chef noch mehr Umsatz machen will |
eß Rusemondaach jetz Arbeitsdaach! | ist Rosenmontag Arbeitstag |
Schäng, do möt ihr jäj ean jon | Johann, da müßt gegen angehn |
ihr weed vun däm bloß usjenötz. | ihr werdet von dem Kerl nur ausgenutzt |
Sprech morje doch ens ding Kuleje drop an | Sprich morgen deine Kollegen darauf an |
un dann haut bei däm Kääl op dr Putz! | und dann haut bei dem Kerl auf den Tisch |
| |
För dä Rusemondaach en Kölle | Für den Rosenmontag in Köln |
do jommer he all durch et Für. | da gehen wir alle durchs Feuer |
Jo un wä uns dä Daach einfach fottnemme well, | und wer uns den Tag einfach wegnehmen will |
dä setz mr et bess vör de Dür. | den setzen wir am besten vor die Tür |
| |
Am andere Morje dann en dr Kantin | Am nächsten Morgen in der Kantine |
beröt die Belegschaff die Saach. | berät die Belegschaft die Sache |
Mr eß sich flöck einich, dat nimp mr nit hin, | man ist sich schnell einig,das nimmt man nicht hin |
mr wehrt sich, dat wör doch jelaach | man wehrt sich, das wäre doch gelacht |
| |
Dä Schäng weed huh zom Chef jescheck | Johann wird hoch zum Chef geschickt |
un sät däm och frei enet Jeseech: | und sagt ihm auch frei ins Gesicht |
Wen Sie dä Beschluß nit zorücknemme dun, | wenn Sie den Beschluss nicht zurücknehmen |
dann treffe mr uns vörm Jreech. | dann treffen wir uns vor Gericht |
| |
För dä Rusemondaach en Kölle | Für den Rosenmontag in Köln |
do jommer he all durch et Für. | da gehen wir alle durchs Feuer |
Jo un wä uns dä Daach einfach fottnemme well, | und wer uns den Tag einfach wegnehmen will |
dä setz mr et bess vör de Dür. | den setzen wir am besten vor die Tür |
| |
Ihr Arbeitslück, wä jitt üch dat Räch? | Ihr Arbeitsleute, wer gibt euch das Recht |
Saat, hat ihr dann noch nit jeleet, | sagt, habt ihr denn immer noch nicht gelernt |
dat wenn mr däm Chef widderspreche deit, | dass, wenn man dem Chef widderspricht |
singe Arbeitsplatz riskeet! | man seinen Arbeitsplatz riskiert |
| |
För dä Rusemondaach en Kölle | Für den Rosenmontag in Köln |
do jommer he all durch et Für. | da gehen wir alle durchs Feuer |
Jo un wä uns dä Daach einfach fottnemme well, | und wer uns den Tag einfach wegnehmen will |
dä setz mr et bess vör de Dür. | den setzen wir am besten vor die Tür |